رحلة شواطئ محمية وادي الجمال

عن هذه الرحلة

أهم رحلة ممكن تعملها في مرسى هي رحلة شواطئ محمية وادي الجمال واللي بيتقال عليها مالديف مصر من جمال الشواطئ و مياهها الشفافة و الغنية بالشعب المرجانية اللي مش موجودة في أي مكان تاني في مصررحلتنا بتبدأ الساعة 8  صباحا من الفندق و بتختلف المواعيد حسب فندق الإقامة و بنتحرك على مدينة مرسى علم بنقف في مكان علشان نأجر منه أدوات الإسنوركلينج للي مش معاه و بعد كدة بنتحرك في إتجاه المحمية واللي بتعتبر تاني اكبر محمية طبيعية في مصر بمساحة 7000 كيلو متر مربع مابين بحر و جبل لكن رحلتنا دي هتكون مختصة بمنطقة البحر فقط

هنزور اول شاطئ لينا وهو شاطئ شرم اللولي او راس حنكوراب و المصنف من افضل 20 شاطئ على مستوى العالم بنجهز قعدتنا هناك وننزل سنوركلينج مع مدرب محترف علشان نشوف جنة المحمية تحت البحر بنخلص الاسنوركلينج و بنركب العربية تاني علشان نروح مكان اروع إسمه القلعان و اللي بيسكن فيه مجموعة أسر من قيائل العبابدة علشان نشوف عاداتهم ونشرب الجبنة المشروب الرسمي لقبائل الجنوب و نروح نتصور مع اشهر شجرة منجروف واكبرهم واللي موجودة في نص البحر و بعد كدة بنتحرك تاني في اتجاه العودة للفندق